Proxecto EtiquétaT

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais, nos cales se inclúe a educación en valores. 

O proxecto EtiquétaT acóllese ao abeiro do Programa Galicons-net do Instituto Galego de Consumo que, a través da Escola Galega de Consumo, axúdaranos a acadar un dos principais obxectivos, potenciar a educación para o consumo responsable nos centros educativos, así como motivar un traballo activo e colaborativo de alumnado e profesorado nos distintos ciclos formativos e familias profesionais cos que contamos no IES de Vilamarín, sería o caso de Hostalaría - Turismo e Industrias Alimentarias. Trátase, polo tanto, dun proxecto interdisciplinar no que nos acollémos á modalidade e) etiquetaxe dos bens e produtos alimentarios, promovendo un aprendizaxe significativo e por descubrimento.

Trataremos de concienciar ás alumnas e aos alumnos da sua condición de persoa consumidora para que poidan actuar na sociedade de maneira informada e coñecer os seus dereitos e deberes como profesionais do sector, desenvolver un pensamento crítico en determinados aspectos como poden ser os hábitos de vida saudables, a importancia dos produtos de proximidade, o desperdicio 0, a publicidade no punto de venta, a nova lei de información alimentaria en materia de alérxenos, os alimentos de calidade diferenciada, presentación comercial, etc.