Saltar ao contido principal

Queixos Galegos, Irmáns de Leite

No IES de Vilamarín establecemos lazos colaborativos cos Consellos Reguladores das diferentes DOP Queixos de Galicia e, a finais do mes de marzo, organizamos unha cata comentada para varios grupos(Ciclo Superior de Dirección de Cociña 1º Curso,Ciclo Superior de Servizos de Restauración 1º Curso e Ciclo Básico de Cociña e Restauración 1º Curso) do centro onde aprendemos a identificar a etiqueta e contraetiqueta numerada que fai referencia á sua condición de Denominación de Orixe Protexida, características, cualidades organolépticas, normativa de referencia, rastrexabilidade, zonas de produción, orixe e un largo etcétera.
A xornada celebrouse para 30 pax. pois tentouse que resultara máis participativa, ainda que, había outros tantos ciclos interesados na mesma.
A cata foi xestionada por Óscar Pérez Ramil, Secretario Xerente do Consello Regulador da DOP Arzúa-Ulloa e, desde aquí, enviamos a nosa gratitude polo formación prestada. Seguro que este é o comezo dunha longa colaboración entre os produtos gallegos de calidade e os futuros profesionais do tecido produtivo🔝🔝🔝
Foi unha xornada do máis enriquecedora.👌👍👏💚💙😋
De seguido, vai unha listaxe xenérica de necesidades para unha correcta e produtiva cata:
A duración mínima aproximada da cata foi de 120 minutos, ainda que, estábamos tan abraiados co que estábamos aprendendo que podería alongarse outro tanto polo menos. A idea foi a de catar os catro queixos galegos con DOP (Arzúa-Ulloa, Cebreiro, Queixo Tetilla e San Simón da Costa), falar do produto, da materia prima e da elaboración, e iso leva un tempo...
O número de asistentes non debe superar as 25 persoas, para evitar "desvíos" da atención.
Todos os asistentes estiveron sentados, con cadanseu prato, servilleta e vaso de auga, mellor tamén pan tostado sen sal e/ou anacos de mazá para "limpar" a boca entre queixos (Se é posible, é mellor que os asistentes teñan mesas diante, non resulta axeitado que só se atopen sentados en cadeiras).
Precísase:
- Unha ou dúas táboas de corte (sen olores).
- Dous coitelos "ceboleiros" (ou "de cociñeiro": co fío liso, non dentado).
- Auga quente (aprox 40 ºC) nunha xerra, "champaneira" ou algo semellante, onda collan os coitelos.
- Panos ou papel de cociña (para ir limpando os coitelos).
- Fontes ou pratos grandes (para servir os anacos cortados).
- Canón proxector, pizarra electrónica e ordenador.

Velaí van algunhas fotos da xornada!
ORGULLOSOS DO NOSO!!🍴🍏🍎😋😋








Comentarios

Publicar un comentario

Grazas por participar nesta páxina.

Publicacións populares deste blog

Elaboramos e deseñamos a etiquetaxe do noso vermú vermello artesán!!

De colaboracións tan axeitadas coma a dos módulos: (MP0182) Formación e orientación laboral plurilíngüe que se imparte no Ciclo Superior de Xestión de Aloxamentos Turísticos 1º curso (Dual). Prof.- Olga Painceira, (MP0150) Operacións básicas en bar e cafetaría do Ciclo Medio de Servizos en Restauración 1º curso. Prof.- Iván Antelo e (MP3036) Aprovisionamento e conservación de materias primas e hixiene na manipulación do Ciclo Básico de Cociña e Restauración 1º curso.- Prof.: Eva Fachado, nacen ideas de innovación tan creativas coma a elaboración dun vermú tradicional feito cos botánicos  clásicos (previa identificación e estudio) e a estructuración da etiquetaxe da botellería traducida ao galego. Unha bebida na que a súa orixe se remonta ao século XVIII e que na actualidade está tan en auxe.
1 comentario
Ler máis

Proxecto EtiquétaT

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais, nos cales se inclúe a educación en valores.  O proxecto EtiquétaT acóllese ao abeiro do Programa Galicons-net do Instituto Galego de Consumo que, a través da Escola Galega de Consumo , axúdaranos a acadar un dos principais obxectivos, potenciar a educación para o consumo responsable nos centros educativos, así como motivar un traballo activo e colaborativo de alumnado e profesorado nos distintos ciclos formativos e familias profesionais cos que contamos no IES de Vilamarín, sería o caso de Hostalaría - Turismo e Industrias Alimentarias. Trátase, polo tanto, dun proxecto interdisciplinar no que nos acollémos á modalidade e) etiquetaxe dos bens e produtos alimenta
Publicar un comentario
Ler máis

O NOSO "CHEGHAR E ENCHER" DE VILAMARÍN.- AS PRIMEIRAS ETIQUETAS DOS RAPACES DA FPB

AS COMIDAS PARA LEVAR DE VILAMARÍN, AS PRIMEIRAS ETIQUETAS DE 1º DA FPB En colaboración cos módulos e ciclos de: - (MP0498) Elaboracións de pastelaría e repostaría en cociña do Ciclo Superior de Dirección de Cociña 2º curso. Prof.-Martín Álvarez. - (MP0048) Produtos culinarios do Ciclo Medio de Cociña e Gastronomía 2º curso.- Prof.: Natividad Neira. - (MP3036) Aprovisionamento e conservación de materias primas e hixiene na manipulación do Ciclo Básico de Cociña e Restauración 1º curso.- Prof.: Eva fachado, organizamos o noso “cheghar e encher” , as comidas para levar do IES de Vilamarín aberto a toda a comunidade educativa previa reserva.  Potenciouse a alimentación saudable, estudiáronse os alérxenos alimentarios, a simboloxía básica presente nos produtos elaborados e o respecto do medio a través do emprego de recipientes desbotables sostibles e biodegradables (de cana de azucre e folla de palma), o inicio a unha educación de concienciación e promoción de embalaxes ecol
Publicar un comentario
Ler máis